മാഡ്രിഡ്: സ്‌പെയിനില്‍ നടക്കുന്ന അണ്ടര്‍ 16 എം. ഐ. സി കപ്പ് ഫുട്‌ബോളില്‍ ഇന്ത്യക്ക് വിജയത്തുടക്കം. സ്വീഡിഷ് ക്ലബായ ഐ. എഫ്. സി സ്റ്റോക്ക് സ്റ്റണ്ടിനെയാണ് ഇന്ത്യ പരാജയപ്പെടുത്തിയത്.
47-ാം മിനുട്ടില്‍ വിക്രം പ്രതാപാണ് ഇന്ത്യക്ക് വേണ്ടി ഗോള്‍ നേടിയത്. ഏഴാം മിനുട്ടില്‍ ബെക്കെ ഒറാമിന് സുവര്‍ണാവസരം ലഭിച്ചെങ്കിലും മുതലാക്കാനായില്ല.
തോയിബ സിങ്ങെടുത്ത ഫ്രീകിക്കില്‍ നിന്ന് ഇന്ത്യക്ക് ഗോള്‍ നേടാന്‍ മികച്ച അവസരം ലഭിച്ചെങ്കിലും പന്ത് ലക്ഷ്യത്തിലെത്തിക്കാനായില്ല. ഏതാനും ദിവസം മുമ്പാണ് ഇതേ സംഘം ജോക്കി യൂത്ത് കപ്പ് ചാംപ്യന്‍മാരായത്.