HOME
DETAILS

കെ.ബി.പി.എസില്‍ പാഠപുസ്തകം അച്ചടിയും വിതരണവും പൂര്‍ത്തിയായി

  
backup
March 30 2018 | 06:03 AM

%e0%b4%95%e0%b5%86-%e0%b4%ac%e0%b4%bf-%e0%b4%aa%e0%b4%bf-%e0%b4%8e%e0%b4%b8%e0%b4%bf%e0%b4%b2%e0%b5%8d%e2%80%8d-%e0%b4%aa%e0%b4%be%e0%b4%a0%e0%b4%aa%e0%b5%81%e0%b4%b8%e0%b5%8d%e0%b4%a4%e0%b4%95-2

 


കാക്കനാട് : അടുത്ത അധ്യയന വര്‍ഷത്തെ പാഠപുസ്തക അച്ചടിയും വിതരണവും പൂര്‍ത്തിയായത് റെക്കോര്‍ഡ് വേഗത്തില്‍. എയ്ഡഡ് സ്‌കൂളുകളിലേക്കായി അച്ചടിച്ച പാഠപുസ്തകങ്ങളുടെ വിതരണം പൂര്‍ണമായും നടത്തിയതായി കെ.ബി.പി.എസ് ചെയര്‍മാന്‍ ആന്‍ഡ് മാനേജിങ് ഡയറക്ടര്‍ കെ.കാര്‍ത്തിക് അറിയിച്ചു. മൂന്ന് വാല്യങ്ങളിലായി 5,66,60,000 പാഠപുസ്തകങ്ങളുടെ അച്ചടിയാണ് സര്‍ക്കാര്‍ ചുമലപ്പെട്ടുത്തിയത്.
മാര്‍ച്ച് 12 നകം ഒന്നാം വാല്യം 30,79,90,000 പാഠപുസ്തകങ്ങളുടെ അച്ചടിയും വിതരണവും പൂര്‍ത്തിയാക്കി. രണ്ടാം വാല്യം 1,95,21,700 പാഠപുത്കങ്ങളുടെ അച്ചടി കെ.ബി.പി.എസ്സിലെ അത്യാധുനിക അച്ചടി പ്രസ്സുകളില്‍ മാര്‍ച്ച് 19ന് ആരംഭിച്ചു. മൂന്നാം വാല്യം 69,39,300 പാഠപുസ്തകങ്ങളുടെ അച്ചടി ജൂണില്‍ തുടങ്ങുമെന്ന് സി.എം.ഡി വ്യക്തമാക്കി.
കോട്ടയം, തൃശ്ശൂര്‍, കോഴിക്കോട്, വയനാട്, കണ്ണൂര്‍ ജില്ലകളിലെ എയ്ഡഡ് സ്‌കൂളുകളിലെ ഒന്നാം വാല്യ പാഠപുസ്തകളുടെ വിതരണം പൂര്‍ത്തിയായി. ഏപ്രില്‍ 15നകം പാഠപുത്ക വിതരണം പൂര്‍ത്തിയാക്കാനാണ് സര്‍ക്കാര്‍ നിര്‍ദേശം. പതിനാല് ജില്ലകളിലും പാഠപുസ്തകങ്ങള്‍ ശേഖരിച്ച് വിതരണം നടത്താനുള്ള ഹബ്കള്‍ സജീകരിച്ചിട്ടുണ്ട്. ഇവിടെ നിന്നാണ് അഞ്ച് സ്‌കൂളുകള്‍ ഉള്‍പ്പെടുന്ന സൊസൈറ്റികളിലേക്ക് വിതരണം നടത്തുന്നത്.
3311 സ്‌കൂള്‍ സൈാസൈറ്റികളാണ് സംസ്ഥാനത്ത് വിദ്യായലയങ്ങള്‍ കേന്ദ്രീകരിച്ച് പ്രവര്‍ത്തിക്കുന്നത്. അണ്‍ എയ്ഡഡ് സ്‌കൂളുകളിലേക്ക് ആവശ്യമായ പാഠപുസ്‌കങ്ങള്‍ ജില്ല വിദ്യാഭ്യാസ ഓഫിസുകളില്‍ നിന്ന് സ്‌കൂളുകള്‍ക്ക് ലഭിക്കാനുള്ള സൗകര്യവും ഏര്‍പ്പെടുത്തിയിട്ടുണ്ട്. അണ്‍എയ്ഡഡ് സ്‌കൂളിലേക്കുള്ള പാഠപുസ്തകങ്ങളുടെ വിതരണം സര്‍ക്കാര്‍ നിയന്ത്രണത്തിലാണെന്നും സി.എം.ഡി പറഞ്ഞു.
പാഠപുസ്തകങ്ങളുടെ അച്ചടി കൂലി സര്‍ക്കാര്‍ 35 ശതമാനം വര്‍ധിപ്പിച്ചത് കെ.ബി.പി.എസിലെ സാമ്പത്തിക പ്രതിസന്ധിക്ക് താല്‍കാലിക പരിഹാരമായിട്ടുണ്ട്. മുന്‍കാലങ്ങളിലെ അച്ചടി കൂലി കുടിശ്ശിക പ്രശ്‌നം പരിഹരിക്കാന്‍ സര്‍ക്കാര്‍ തലത്തില്‍ കമ്മിറ്റിയെ ചുമലപ്പെടുത്തിയിട്ടുണ്ടെന്നും സി.എം.ഡി അറിയിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."