തുറവൂര്‍: പട്ടികജാതിക്കാരായ വനിതകള്‍ക്ക് ഭൂമി വാങ്ങാന്‍ പട്ടണക്കാട് ബ്ലോക്ക് പഞ്ചായത്ത് കമ്മിറ്റി വാര്‍ഷിക ബജറ്റില്‍ ഒരു കോടി രൂപ നീക്കിവച്ചു.
ലൈഫ് പദ്ധതിയില്‍ ഉള്‍പ്പെടുത്തി വീട് പണിയാന്‍ ഒരു കോടി രൂപയും നല്‍കും. 57, 26, 05,456 രൂപ വരവും 57,07,22,838 രൂപ ചെലവും 18,82,618 രൂപ നീക്കി ബാക്കിയുള്ള ബജറ്റാണ് വൈസ് പ്രസിഡന്റ് സി.റ്റി.വിനോദ് അവതരിപ്പിച്ചത്.തുറവൂര്‍ താലൂക്കാശുപത്രിക്കും അതിനു കീഴിലെ പ്രാഥമികാരോഗ്യ കേന്ദ്രങ്ങള്‍ക്കുമായി 60 ലക്ഷം രൂപയും തൊഴിലുറപ്പു പദ്ധതിക്ക് 29 കോടി രൂപയും വകയിരുത്തി. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് മണി പ്രഭാകരന്‍ അധ്യക്ഷത വഹിച്ചു.