HOME
DETAILS

അനസ് എടത്തൊടിക ഇനി ബ്ലാസ്‌റ്റേഴ്‌സില്‍

  
backup
March 30 2018 | 10:03 AM

anas-edathodika-next-season-in-blasters-sports-3003

കൊച്ചി: അവസാനം ബ്ലാസ്‌റ്റേഴ്‌സ് ആരാധകര്‍ കാത്തിരുന്ന വാര്‍ത്ത എത്തി. മലയാളി താരം അനസ് എടത്തൊടികയെ കേരള ബ്ലാസ്‌റ്റേഴ്‌സ് സ്വന്തമാക്കി. രണ്ടു വര്‍ഷത്തെ കരാറാണ് താരവുമായി ക്ലബ്ബ് ഒപ്പിട്ടിരിക്കുന്നത്. ഇന്ത്യന്‍ ഫുട്‌ബോള്‍ ടീമിന്റെ പ്രതിരോധ കാവല്‍ക്കാരനായ അനസിനെ ടീമിലെത്തിക്കാന്‍ ബ്ലാസ്‌റ്റേഴ്‌സ് ആരാധകര്‍ ഏറെ കാലമായി മുറവിളി കൂട്ടിയിരുന്നു. കഴിഞ്ഞ സീസണില്‍ അനസ് ബ്ലാസ്‌റ്റേഴ്‌സില്‍ എത്തുമെന്ന് വാര്‍ത്തകള്‍ ഉണ്ടായിരുന്നു. എന്നാല്‍, ജംഷഡ്പൂര്‍ എഫ്.സി താരത്തെ സ്വന്തമാക്കുകയായിരുന്നു.

കേരള ബ്ലാസ്റ്റേഴ്‌സിനായി അടുത്ത സീസണ്‍ മുതലായിരിക്കും അനസ് എടത്തൊടിക ബൂട്ടണിയുക. ഇത് സംബന്ധിച്ചുള്ള ക്ലബ്ബിന്റെ ഔദ്യോഗിക സ്ഥിരീകരണം സൂപ്പര്‍ കപ്പിന് ശേഷം വരുമെന്നാണ് സൂചനകള്‍. ഒന്നരക്കോടിയുടെ കരാറിലാണ് അനസ് ക്ലബ്ബുമായി ഒപ്പിടാന്‍ പോകുന്നതെന്നാണ് റിപ്പോര്‍ട്ടുകള്‍.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."