കൊച്ചി: സര്‍ക്കാരിന്റെ ജനദ്രോഹ മദ്യനയത്തിന് ചെങ്ങന്നൂരില്‍ ശക്തമായ മറുപടി നല്‍കാനും പ്രചാരണപരിപാടികള്‍ സംഘടിപ്പിക്കാനും പാലാരിവട്ടം പി.ഒ.സി.യില്‍ ചേര്‍ന്ന കെ.സി.ബി.സി മദ്യവിരുദ്ധ സമിതിയുടെ ഏകദിന സമ്മേളനം തീരുമാനിച്ചു.
ഇതിന്റെ ഭാഗമായി 20ന് ഉച്ചക്ക് രണ്ടിന് വിവിധ മദ്യവിരുദ്ധ പ്രസ്ഥാനങ്ങളെയും മത-സാമൂഹ്യ നേതാക്കളെയും പങ്കെടുപ്പിച്ച് മദ്യവിരുദ്ധ വിശാലസഖ്യത്തിന്റെ നേതൃത്വത്തില്‍ ബഹുജന കണ്‍വന്‍ഷന്‍ സംഘടിപ്പിക്കും. ഇന്നലെ നടന്ന ഏകദിന ബഹുജന ഉപവാസ സമ്മേളനം കെ.പി.സി.സി മുന്‍പ്രസിഡന്റ് വി.എം സുധീരന്‍ ഉദ്ഘാടനം ചെയ്തു. ബത്തേരി രൂപത ബിഷപ് ജോസഫ് മാര്‍ തോമസ് മുഖ്യസന്ദേശം നല്‍കി.