എരുമപ്പെട്ടി: വേലൂര്‍ ഗ്രാമീണ വായനശാലയില്‍ സമാന്തര വിദ്യാഭ്യാസം നടത്തുന്ന അടച്ചുപൂട്ടിയ കിരാലൂര്‍ പരശുരാമ മെമ്മോറിയല്‍ എല്‍.പി സ്‌കൂളിലെ അധ്യാപകര്‍ക്കും വിദ്യാര്‍ഥികള്‍ക്കും പഠനം നടത്തുന്നതിനുള്ള പാഠപുസ്തകങ്ങള്‍ വിതരണം ചെയ്തു.
കെ.പി.എസ്.ടി.എ അധ്യാപക സംഘടനയും വേലൂര്‍ ഗ്രാമപഞ്ചായത്ത് കോണ്‍ഗ്രസ് അംഗങ്ങളും സംയുക്തമായി വിദ്യാര്‍ഥികള്‍ക്കുള്ള പുസ്തകങ്ങള്‍ വിതരണം ചെയ്തു. വേലൂര്‍ ഗ്രാമപഞ്ചായത്ത് പ്രതിപക്ഷ നേതാവ് പി.കെ ശ്യാംകുമാര്‍ പാഠപുസ്തകങ്ങള്‍ പ്രധാന അധ്യാപിക ഇന്ദുലേഖക്ക് കൈമാറി. കെ.പി.എസ്.ടി.എ സംസ്ഥാന ഭാരവാഹി ഷാഹിദ റഹ്മാന്‍, വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ സ്വപ്ന രാമചന്ദ്രന്‍, സി.എന്‍ വിജയകുമാര്‍, സുരേഷ്ബാബു, പി.ബി നന്ദകുമാര്‍, ടി.ബി റോയ്, കെ.സജീവ്കുമാര്‍, പി.കെ ശ്രീരാം പങ്കെടുത്തു.