കാസര്‍കോട്: ഏപ്രില്‍ 20,21,22 തിയതികളില്‍ കാസര്‍കോട് ജില്ലയിലെ തൃക്കരിപ്പൂര്‍ കൈതക്കാട് വച്ച് നടക്കുന്ന സുന്നി മഹല്ല് ഫെഡറേഷന്‍ (എസ്.എം.എഫ്) സംസ്ഥാന സമ്മേളനം ലൈറ്റ് ഓഫ് മദീനയുടെ പ്രചരണാര്‍ഥം ആറിന് വെള്ളിയാഴ്ച നടക്കുന്ന മഹല്ല്തല പ്രചാരണം വിജയിപ്പിക്കണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് ജിഫ്‌രി മുത്തുക്കോയ തങ്ങള്‍, പ്രൊഫ. കെ. ആലിക്കുട്ടി മുസ്‌ലിയാര്‍ എന്നിവര്‍ അഭ്യര്‍ഥിച്ചു.
സുന്നി മഹല്ല് ഫെഡറേഷന്റെ കര്‍മ പദ്ധതികള്‍ കണ്ടും കേട്ടും അനുഭവിച്ചും പകര്‍ത്തിയെടുത്ത് മഹല്ലുകളില്‍ നടപ്പിലാക്കാന്‍ ഭാരവാഹികളെ സജ്ജമാക്കുന്ന പരിശീലന പദ്ധതിയാണ് ലൈറ്റ് ഓഫ് മദീന. മൂന്നു ദിവസത്തെ ലൈറ്റ് ഓഫ് മദീന സംഗമം ചരിത്ര വിജയമാക്കുന്നതിന് കേരളത്തിലെ മുഴുവന്‍ മഹല്ലുകളിലും ഏപ്രില്‍ ആറിന് വെള്ളിയാഴ്ച ഖത്വീബുമാര്‍ മുഖേന ലൈറ്റ് ഓഫ് മദീന സന്ദേശ പ്രഭാഷണം നടത്തണം.