തൃക്കരിപ്പൂര്‍: 20,21,22 തിയതികളില്‍ കാസര്‍കോട് ജില്ലയിലെ തൃക്കരിപ്പൂര്‍ കൈതക്കാട് നടക്കുന്ന സുന്നി മഹല്ല് ഫെഡറേഷന്‍(എസ്.എം.എഫ്) സംസ്ഥാന സമ്മേളനം ലൈറ്റ് ഓഫ് മദീനയുടെ പ്രചാരണാര്‍ഥം കണ്ണൂര്‍, കാസര്‍കോട് ജില്ലകളില്‍ നാളെ നടക്കുന്ന മഹല്ല്തല പ്രചാരണം വിജയിപ്പിക്കണമെന്ന് സംഘാടക സമിതി അറിയിച്ചു.
സുന്നി മഹല്ല് ഫെഡറേഷന്‍ നടപ്പാക്കുന്ന കര്‍മ പദ്ധതികള്‍ മഹല്ലുകളില്‍ നടപ്പാക്കാന്‍ മഹല്ല് ഭാരവാഹികളെ സജ്ജമാക്കുന്ന പരിശീലന പദ്ധതിയാണ് ലൈറ്റ് ഓഫ് മദീന. കേരളത്തിലെ അയ്യായിരത്തോളം മഹല്ലുകളില്‍ മുന്‍കൂട്ടി രജിസ്റ്റര്‍ ചെയ്ത ഇരുപതിനായിരത്തിലേറെ മഹല്ല് ഭാരവാഹികള്‍ക്ക് മാത്രം പ്രവേശനം നല്‍കുന്ന മൂന്നു ദിവസത്തെ ലൈറ്റ് ഓഫ് മദീന സംഗമം ചരിത്ര വിജയമാക്കുന്നതിന് മുഴുവന്‍ മഹല്ലുകളിലും നാളെ മഹല്ല് ഖത്തീബുമാര്‍ മുഖേന ലൈറ്റ് ഓഫ് മദീന സന്ദേശ പ്രഭാഷണം നടത്തും. എല്ലാ മഹല്ല് ഭാരവാഹികളും ഖത്തീബുമാരും എസ്.എം.എഫ് ജില്ലാ, മേഖലാ, മണ്ഡലം, മഹല്ല് ഭാരവാഹികള്‍ പ്രചാരണം വിജയിപ്പിക്കാന്‍ മുന്നിട്ടിറങ്ങണമെന്ന് സംഘാടക സമിതി അറിയിച്ചു.