കാസര്‍കോട്: കേന്ദ്ര ടൂറിസം മന്ത്രി അല്‍ഫോണ്‍സ് കണ്ണന്താനം എട്ടിന് ജില്ലയില്‍ വിവിധ പരിപാടികളില്‍ സംബന്ധിക്കും. ബി.ജെ.പി ജില്ലാ കമ്മിറ്റിയുടെ ആഭിമുഖ്യത്തില്‍ രാവിലെ ഒന്‍പതിന് കാസര്‍കോട് പുതിയ ബസ് സ്റ്റാന്‍ഡ് പരിസരത്ത് സ്വീകരണം നല്‍കും. തുടര്‍ന്ന് ബി.ജെ.പി ജില്ലാ കമ്മറ്റി സംഘടിപ്പിക്കുന്ന 'കാസര്‍കോട് ടൂറിസം വികസനം' എന്ന സംവാദം രാവിലെ 10.30നു മുനിസിപ്പല്‍ വനിതാ ഭവനില്‍ ഉദ്ഘാടനം ചെയ്യും. 2.30നു പെര്‍ള സര്‍വിസ് കോഓപ്പറേറ്റിവ് ബാങ്കിന്റെ കോര്‍ ബാങ്കിങ് സംവിധാനം ഉദ്ഘാടനം ചെയ്യും. 2.30നു പെര്‍ള ശിവഗിരി സ്വര്‍ഗ റോഡ്, 4.30നു കാഞ്ഞങ്ങാട് മാവുങ്കാല്‍ പുതിയകണ്ടം ശ്രീമദ് പരശിവ വിശ്വകര്‍മ്മ ക്ഷേത്ത്രതിന്റെ കലാക്ഷേത്രം ഉദ്ഘാടനം എന്നിവയും നിര്‍വഹിക്കും.