മുട്ടം: മുട്ടം ടൗണിലെ രൂക്ഷമായ ഗതാഗതകുരുക്കിന് ശാശ്വത പരിഹാരമായി മലങ്കരയില്‍ നിന്നു തുടങ്ങുന്ന ശങ്കരപ്പള്ളി ബൈപ്പാസും, ചള്ളാവയല്‍ ബൈപ്പാസും പൂര്‍ത്തീകരിക്കാന്‍ ജനപ്രതിനിധികളും ജില്ലയിലെ മന്ത്രിയും അടിയന്തിര നടപടി സ്വീകരിക്കണമെന്ന് ജനതാദള്‍ (യു) യു.ഡി.എഫ് വിഭാഗം പഞ്ചായത്ത് കമ്മിറ്റി ആവശ്യപ്പെട്ടു. ടൗണിലെ ഓട്ടോറിക്ഷകളും മറ്റ് വാഹനങ്ങളും റോഡ് സൈഡില്‍ പാര്‍ക്ക് ചെയ്യാതെ പ്രത്യേക പാര്‍ക്കിംഗ് ഏരിയ്ക്ക് സ്ഥലം അനുവദിക്കണമെന്നും യോഗം ആവശ്യപ്പെട്ടു.