തലശ്ശേരി: ദലിത് സംഘടനകള്‍ 9ന് നടത്താന്‍ തീരുമാനിച്ച ഹര്‍ത്താലുമായി സഹകരിക്കില്ലെന്ന് തലശ്ശേരി പ്രൈവറ്റ് ബസ് ഓപറേറ്റേര്‍സ് അസോസിയേഷന്‍ അറിയിച്ചു. ദിനംതോറും ഡീസല്‍ വില വര്‍ധനവ് കാരണം പ്രയാസം അനുഭവിക്കുന്ന ബസുടമകള്‍ക്ക് ഹര്‍ത്താലിന് വേണ്ടി സര്‍വിസ് നിര്‍ത്തിവയ്ക്കാന്‍ സാധിക്കില്ലെന്നും കഴിഞ്ഞ രണ്ടിന് പൊതു പണിമുടക്ക് നടത്തി ദിവസങ്ങള്‍ക്കുള്ളില്‍ മറ്റൊരു ഹര്‍ത്താല്‍ അംഗീകരിക്കാന്‍ കഴിയില്ലെന്നും നേതാക്കള്‍ അറിയിച്ചു. നിയമവിരുദ്ധമായി നടത്തുന്ന ഇത്തരം സമരമുറകളില്‍നിന്നു ട്രേഡ് യൂനിയനുകള്‍ പിന്‍മാറണമെന്നും അസോസിയേഷന്‍ വാര്‍ത്താക്കുറിപ്പില്‍ ആവശ്യപ്പെട്ടു. തൊഴിലാളികളുടെ ബോണസ് സംബന്ധിച്ച് ജില്ലയിലെ വിവിധ ട്രേഡ് യൂനിയനുകളുടെ ആഹ്വാന പ്രകാരം 10 മുതല്‍ ബസ് സമരം പ്രഖ്യാപിച്ചിരിക്കുകയാണ്.