വടക്കാഞ്ചേരി: തലപ്പിള്ളി താലൂക്ക് ആസ്ഥാനമായ വടക്കാഞ്ചേരി വീണ്ടും രാജ്യാന്തര ചലച്ചിത്രോത്സവത്തിന് വേദിയാകുന്നു. സ്പന്ദനം വടക്കാഞ്ചേരിയുടെ നാലാമത് രാജ്യാന്തര ചലച്ചിത്രോത്സവം ജൂണ്‍ 26 മുതല്‍ 30 വരെ ഓട്ടുപാറ താളം തിയ്യറ്ററില്‍ വെച്ച് നടക്കുമെന്ന് സ്പന്ദനം ഭാരവാഹികള്‍ അറിയിച്ചു.
വിവിധ ഭാഷകളില്‍ നിന്നുള്ള 20 ചിത്രങ്ങളോടൊപ്പം പ്രശസ്ത സംവിധായകരുടെ ഡോക്യുമെന്ററികള്‍, ഹ്രസ്വചിത്രങ്ങള്‍ എന്നിവയും പ്രദര്‍ശിപ്പിക്കും. ചലചിത്രോത്സവം വിജയകരമാക്കാന്‍ വിവിധ കമ്മിറ്റികള്‍ക്ക് രൂപം നല്‍കി.
യോഗത്തില്‍ പ്രസിഡന്റ് സി.ഒ ദേവസി അധ്യക്ഷനായി. പി.എസ്.എ ബക്കര്‍, സുഭാഷ് പുഴയ്ക്കല്‍, സി.സി ദേവദാസ്, പി.കെ സുബ്രഹ്മണ്യന്‍ സംസാരിച്ചു.