പയ്യന്നൂര്‍: കണ്ണൂരിലെ മാതമംഗലത്ത് പടക്ക കടക്ക് തീപിടിച്ചു. ഉച്ചയ്ക്ക് 12ഓടെയാണ് മെയിന്‍ റോഡിലെ പടക്ക കടക്ക് തീപിടിച്ചത്. ലക്ഷ്മി പടക്ക വ്യാപാര സ്ഥാപനത്തിലാണ് തീപിടിത്തമുണ്ടായത്. മൂന്നു നിലയുള്ള കെട്ടിടത്തിന്റെ താഴത്തെ നില പൂര്‍ണമായും കത്തിനശിച്ചു. കടയുടെ പുറത്ത് നിര്‍ത്തിയിട്ടിരുന്ന ബൈക്കും അഗ്നിക്കിരയായി.

പയ്യന്നൂരില്‍ നിന്നെത്തിയ അഗ്നിശമന സേനാംഗങ്ങളും നാട്ടുകാരും ചേര്‍ന്നാണ് തീയണച്ചത്. തീപിടിച്ച സമയത്ത് കടയില്‍ ഉണ്ടായിരുന്നവര്‍ പുറത്തേക്ക് ഓടിയതും അടുത്ത കെട്ടിടത്തിലേക്ക് തീ പടരാതിരുന്നതിനാലും വന്‍ ദുരന്തം ഒഴിവായി. ലക്ഷങ്ങളുടെ നഷ്ടം കണക്കാക്കുന്നു. ഷോര്‍ട്ട് സര്‍ക്യൂട്ടാവാം തീപിടുത്തത്തിന് കാരണമെന്നാണ് പ്രാഥമിക നിഗമനം.