മോസ്‌കോ: സിറിയക്കെതിരേ ഇനിയും ആക്രമണമുണ്ടായാല്‍ രാജ്യാന്തരബന്ധം കലുഷിതമാവുമെന്ന് റഷ്യന്‍ പ്രസിഡന്റ് വഌദ്മിര്‍ പുടിന്‍. ഇറാനിയന്‍ പ്രസിഡന്റ് ഹസന്‍ റൂഹാനിയുമായി ഞായറാഴ്ച നടത്തിയ ടെലിഫോണ്‍ സംഭാഷണത്തിലാണ് പുടിന്‍ ഇക്കാര്യം വ്യക്തമാക്കിയത്.

നിയമം ലംഘിച്ചുള്ള നടപടികള്‍ സിറിയയിലെ രാഷ്ട്രീയ ഒത്തുതീര്‍പ്പിന് വലിയ ആഘാതം ഏല്‍പ്പിക്കുമെന്ന കാര്യത്തില്‍ ഇരുനേതാക്കളും യോജിച്ചു.

സിറിയയില്‍ യു.എസ്, ഫ്രാന്‍സ്, ബ്രിട്ടണ്‍ രാജ്യങ്ങള്‍ സംയുക്തമായി മിസൈല്‍ ആക്രമണം നടത്തിയ പശ്ചാതലത്തിലാണ് ഇരുനേതാക്കളുടെയും ചര്‍ച്ച.