കോഴിക്കോട്: സോഷ്യല്‍ മീഡിയയിലൂടെ യുവജനങ്ങള്‍ ആഹ്വാനം ചെയ്ത് വിജയിപ്പിച്ച ഹര്‍ത്താലിന്റെ വികാരം ഉള്‍ക്കൊള്ളാന്‍ രാഷ്ട്രീയപാര്‍ട്ടികള്‍ക്ക് ബാധ്യതയുണ്ടെന്ന് എസ്.ഡി.പി.ഐ സംസ്ഥാന ജന. സെക്രട്ടറി അജ്മല്‍ ഇസ്മാഈല്‍ പ്രസ്താവനയില്‍ പറഞ്ഞു.
ആര്‍.എസ്.എസിന്റെ പൈശാചിക ഹിന്ദുത്വത്തിനെതിരേയും മോദി ഭരണത്തിനെതിരേയും യുവതലമുറയുടെ മനസില്‍ കുടികൊള്ളുന്ന ശക്തമായ പ്രതിഷേധാഗ്നിയാണ് ഹര്‍ത്താലിലൂടെ പ്രകടമായത്. കേരളം ലക്ഷ്യംവച്ചുള്ള സംഘ്പരിവാര്‍ ഗൂഢാലോചനയെ കുറിച്ച് ആശങ്കയുള്ള ജനാധിപത്യ വിശ്വാസികളെല്ലാം ഐക്യപ്പെടേണ്ട സന്ദര്‍ഭമാണിതെന്നും അതിന് സഹായകമായ എല്ലാ സംരംഭങ്ങളെയും എസ്.ഡി.പി.ഐ പിന്തുണക്കുമെന്നും അദ്ദേഹം വ്യക്തമാക്കി.