കണ്ണൂര്‍: കണ്ണൂര്‍ സംഗീതസഭയുടെ സംഗീതരത്‌നം പുരസ്‌കാരത്തിന് പ്രശസ്ത സംഗീത സംവിധായകനും ഗായകനുമായ എം. ജയചന്ദ്രന്‍ അര്‍ഹനായി. 51,000 രൂപയും ശില്‍പവുമാണ് അവാര്‍ഡ്. മെയ് ആറിന് കണ്ണൂര്‍ സാധു കല്യാണമണ്ഡപത്തില്‍ നടക്കുന്ന ചടങ്ങില്‍ മന്ത്രി രാമചന്ദ്രന്‍ കടന്നപ്പള്ളി അവാര്‍ഡ് സമ്മാനിക്കും. മലയാള ചലച്ചിത്ര സംഗീതലോകത്ത് കാല്‍ നൂറ്റാണ്ടു പിന്നിട്ട എം. ജയചന്ദ്രന് വടക്കേ മലബാറിന്റെ ആദരമായാണ് സംഗീതരത്‌നം പുരസ്‌കാരം നല്‍കാന്‍ തീരുമാനിച്ചതെന്ന് സംഗീതസഭ ഭാരവാഹികള്‍ അറിയിച്ചു.