ന്യൂഡല്‍ഹി: ഡല്‍ഹിയിലെ റോഹിംഗ്യന്‍ ക്യാംപിലുണ്ടായ തീപിടിത്തം അപകടമല്ലെന്ന സൂചന നല്‍കി യുവമോര്‍ച്ച നേതാവിന്റെ ട്വീറ്റ്.
തീപിടിത്തം ഷോര്‍ട്ട് സര്‍ക്യൂട്ടല്ലെന്നും മറിച്ച് മനുഷ്യനിര്‍മിതമായിരുന്നെന്നും വ്യക്തമാക്കുന്നതാണ് യുവമോര്‍ച്ച ഡല്‍ഹി സംസ്ഥാന നേതാവായ മനീഷ് ഛന്ദേലയുടെ ട്വീറ്റ്. റോഹിംഗ്യന്‍ അഭയാര്‍ഥികളുടെ ടെന്റുകള്‍ക്ക് തീകൊളുത്തിയത് തങ്ങളാണെന്ന് പ്രസ്താവിക്കുന്ന ട്വീറ്റ് അദ്ദേഹം നീക്കം ചെയ്തിട്ടില്ല.
ഡല്‍ഹിയില്‍ മദന്‍പൂര്‍ ഖാദര്‍ പ്രദേശത്ത് ടെന്റ് കെട്ടി താമസിക്കുന്ന റോഹിംഗ്യന്‍ അഭയാര്‍ഥികളുടെ ക്യാംപില്‍ രണ്ട് ദിവസം മുന്‍പാണ് തീപിടിത്തമുണ്ടായത്.