തുറവൂര്‍: ദേശീയപാതയിലെ ഫുട്പാത്തുകളില്‍ വാഹനങ്ങള്‍ പാര്‍ക്ക് ചെയ്യുന്നതു മൂലം കാല്‍നടയാത്രക്കാര്‍ക്ക് സഞ്ചരിക്കാന്‍ വഴിയില്ലാതെ ബുദ്ധിമുട്ടുന്നു.
ഒറ്റപ്പുന്ന മുതല്‍ അരൂര്‍ വരെയുള്ള ദേശീയപാതയിലെ ഫുട്പാത്തുകളിലാണ് വാഹന പാര്‍ക്കിംഗ് വര്‍ധിച്ചിരിക്കുന്നത്. ഫുട്പാത്തിലൂടെ കാല്‍നടയാത്ര ബുദ്ധിമുട്ടിലായതോടെ ഏതുനിമിഷവും വാഹനങ്ങള്‍ ചീറി പായുന്ന റോഡിലൂടെ ജീവന്‍ പണയം വച്ചാണ് വൃദ്ധന്മാരും സ്ത്രീകളും കുട്ടികളും ഉള്‍പ്പെടയുള്ളവര്‍ യാത്ര ചെയ്യുന്നത്.
കാല്‍നടയാത്രക്കാര്‍ക്ക് റോഡരികിലൂടെ യാത്രചെയ്യുന്നതിന് തടസമായി വാഹനങ്ങള്‍ പാര്‍ക്കിംഗ് ചെയ്യുന്നവരുടെ പേരില്‍ കര്‍ശന നടപടികള്‍ അധികൃതര്‍ സ്വീകരിക്കണം.