പുതുക്കാട്: ലൈഫ് പദ്ധതി പൂര്‍ത്തിയാക്കുന്ന സംസ്ഥാനത്തെ ആദ്യപഞ്ചായത്തായി അളഗപ്പനഗറിനെ തിരഞ്ഞെടുത്തു. ഭവന നിര്‍മാണത്തിന് ലോണെടുത്ത് ജപ്തി നടപടി നേരിടുന്നവര്‍ക്ക് പദ്ധതിയിലൂടെ തുകയനുവദിക്കുകയും കഴിഞ്ഞ സാമ്പത്തിക വര്‍ഷം തന്നെ പണി പൂര്‍ത്തിയാക്കുകയും ചെയ്താണ് അളഗപ്പനഗറിനെ ഒന്നാമതെത്തിച്ചത്.
നവകേരള മിഷനില്‍ ഉള്‍പ്പെടുത്തി ഗുണഭോക്താവിന് നാലു ലക്ഷം രൂപവീതമാണ് വകയിരുത്തിയിരിക്കുന്നത്.
പഞ്ചായത്ത് ഭരണസമിതിയംഗങ്ങളുടെ നേതൃത്വത്തില്‍ രൂപവല്‍കരിച്ച സമിതിയാണ് പദ്ധതി പൂര്‍ത്തീകരിച്ചത്.
വരാക്കര, വളഞ്ഞുപ്പാടം, വെണ്ടോര്‍ എന്നിവിടങ്ങളിലായി മൂന്നുപേര്‍ക്കാണ് പഞ്ചായത്ത് തുകയനുവദിച്ചത്.
മാര്‍ച്ച് 31ന് മുന്‍പായി വീടുകളുടെ പണി പൂര്‍ത്തിയാക്കിയ പഞ്ചായത്തിന് സര്‍ക്കാരിന്റെ അഭിനന്ദനസന്ദേശവും ലഭിച്ചു.