തിരുവനന്തപുരം: ശബരിമല സ്‌പോട്ട് ബുക്കിങ് പുനരാരംഭിക്കണമെന്ന് ആവശ്യപ്പെട്ട് സര്‍ക്കാരിനുമേല്‍ സമ്മര്‍ദവുമായി സിപിഐ. സ്‌പോട്ട് ബുക്കിങ് പുനരാരംഭിക്കണമെന്നാവശ്യപ്പെട്ട് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ ദേവസ്വം മന്ത്രിക്ക് കത്തയച്ചു. വെര്‍ച്വല്‍ ക്യൂ വഴി മാത്രമാക്കിയ സര്‍ക്കാര്‍ തീരുമാനം അയ്യപ്പഭക്തരെ നിരാശയിലാക്കിയെന്നും, ദര്‍ശനത്തെ പ്രതികൂലമായി ബാധിക്കുമെന്നും കത്തില്‍ വ്യക്തമാക്കുന്നു.

ഓണ്‍ലൈന്‍ ബുക്ക് ചെയ്യുന്ന ഭക്തരില്‍ 20 ശതമാനത്തോളം പേര്‍ എത്താറില്ലെന്നും, ആ സ്ഥാനത്ത് സ്‌പോട്ട് ബുക്കിങ് കൊണ്ടുവന്നാല്‍ അവിടെയത്തുന്നവര്‍ക്ക് ഉപകാരപ്പെടുമെന്നും, അതിനായി സ്‌പോട്ട് ബുക്കിങ് പുനരാരംഭിക്കണമെന്നുമാണ് പ്രധാന ആവശ്യം.

വെര്‍ച്വല്‍ ക്യു ഏര്‍പ്പാടാക്കുന്നത് തിരക്ക് ഒഴിവാക്കാന്‍ സഹായിക്കുമെന്നും എന്നാല്‍ ഇത് അറിയാതെയെത്തുന്ന ആളുകള്‍ക്കും ദര്‍ശനം നടത്താനുള്ള അവസരം വേണമെന്നും സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞിരുന്നു. മാത്രമല്ല ശബരിമലയില്‍ പ്രശ്‌നങ്ങള്‍ ഉണ്ടാക്കാനായി ബിജെപി കാത്തിരിക്കുകയാണെന്നും അദ്ദേഹം പറഞ്ഞു.

The Communist Party of India (CPI) has urged authorities to restart spot booking for Sabarimala, a major pilgrimage site in Kerala, to facilitate smoother travel arrangements for devotees.