ന്യൂഡല്‍ഹി: പുതിയ കെ.പി.സി.സി അധ്യക്ഷനെ നിശ്ചയിക്കുന്നതുമായി ബന്ധപ്പെട്ട് മുന്‍ മുഖ്യമന്ത്രി ഉമ്മന്‍ചാണ്ടി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച നടത്തി. ചെങ്ങന്നൂര്‍ ഉപതെരഞ്ഞെടുപ്പ് വരെ എം. എം ഹസനെ അധ്യക്ഷനായി തുടരാന്‍ അനുവദിക്കണമെന്ന് ഉമ്മന്‍ചാണ്ടി ആവശ്യപ്പെട്ടതായാണ് വിവരം. കേരളത്തിലെ നിലവിലെ രാഷ്ട്രീയ സാഹചര്യവും കൂടിക്കാഴ്ച്ചയില്‍ ചര്‍ച്ചയായി.

ഡല്‍ഹിയിലുള്ള പ്രതിപക്ഷ നേതാവ് രമേശ് ചെന്നിത്തലയുമായും രാഹുല്‍ഗാന്ധി ഇന്നോ നാളയോ കൂടിക്കാഴ്ച്ച നടത്തും.