HOME
DETAILS

ഇരവിപുരത്ത് കടലാക്രമണം രൂക്ഷം

  
backup
April 20 2018 | 02:04 AM

%e0%b4%87%e0%b4%b0%e0%b4%b5%e0%b4%bf%e0%b4%aa%e0%b5%81%e0%b4%b0%e0%b4%a4%e0%b5%8d%e0%b4%a4%e0%b5%8d-%e0%b4%95%e0%b4%9f%e0%b4%b2%e0%b4%be%e0%b4%95%e0%b5%8d%e0%b4%b0%e0%b4%ae%e0%b4%a3%e0%b4%82-%e0%b4%b0

 

കൊട്ടിയം: ഇരവിപുരത്ത് കടലാക്രമണം രൂക്ഷമായതോടെ തീരദേശവാസികള്‍ ഭീതിയിലായി. ഇന്നലെ ഉച്ചയോടെയാണ് താന്നി, കാക്കത്തോപ്പ്, ഇരവിപുരം തുടങ്ങിയ ഭാഗങ്ങളില്‍ വന്‍തോതില്‍ തിരമാലകള്‍ കരയിലേക്ക് ഇരച്ചുകയറാന്‍ തുടങ്ങിയത്.
കടല്‍ഭിത്തിക്ക് മുകളിലൂടെ തിരമാലകള്‍ അടിച്ചു കയറാന്‍ തുടങ്ങിയതോടെ പല വീടുകളിലും വെള്ളം കയറി. താന്നി ലക്ഷ്മിപുരം തോപ്പില്‍ മേരി വിലാസത്തില്‍ ലൈലാമ്മയുടെ കുടിലില്‍ വെള്ളം കയറി. ഫ്‌ളക്‌സ് കൊണ്ടു മറച്ച തകര്‍ന്നു വീഴാറായ കുടില്‍ ഏത് നിമിഷവും നിലംപൊത്താവുന്ന നിലയിലാണ്.
വിവരമറിഞ്ഞ് സ്ഥലത്തെത്തിയ വാര്‍ഡ് മെംബര്‍ ലീന ലോറന്‍സ് വില്ലേജാഫിസറുമായി ബന്ധപ്പെട്ട് ഈ കുടുംബത്തെ ഒഴിവുള്ള സുനാമി ഫ്‌ളാറ്റിലേക്ക് മാറ്റണമെന്നാവശ്യപ്പെട്ടെങ്കിലും തയാറായില്ലെന്ന് പരാതിയുണ്ട്. മകള്‍ക്കും ചെറുമക്കള്‍ക്കുമൊപ്പം വീടിന് പുറത്ത് ഭീതിയോടെ നില്‍ക്കുന്ന ഇവര്‍ അന്തിയുറങ്ങാന്‍ എങ്ങോട്ട് പോകണമെന്നറിയാതെ നില്‍ക്കുകയാണ്. വൈകുന്നേരത്തോടെ കടല്‍ കൂടുതല്‍ പ്രക്ഷുബ്ധമായതോടെ മത്സ്യത്തൊഴിലാളികള്‍ വള്ളങ്ങളും കട്ടമരങ്ങളും കരയിലേക്ക് തള്ളിമാറ്റി.
കടല്‍ കരയിലേക്ക് കയറുന്ന വിവരം അറിയിച്ചിട്ടും അധികൃതരാരും തിരിഞ്ഞ് നോക്കിയില്ലെന്ന് പരാതിയുണ്ട്. രാത്രി കടലാക്രമണം രൂക്ഷമാകാന്‍ സാധ്യതയുണ്ടെന്ന് മത്സ്യത്തൊഴിലാളികള്‍ പറയുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."