HOME
DETAILS

കരുതല്‍ ധന പദ്ധതി 'ഒപ്പം' 52 പഞ്ചായത്തുകളിലേക്കും വ്യാപിപ്പിക്കും

  
backup
April 20 2018 | 04:04 AM

%e0%b4%95%e0%b4%b0%e0%b5%81%e0%b4%a4%e0%b4%b2%e0%b5%8d%e2%80%8d-%e0%b4%a7%e0%b4%a8-%e0%b4%aa%e0%b4%a6%e0%b5%8d%e0%b4%a7%e0%b4%a4%e0%b4%bf-%e0%b4%92%e0%b4%aa%e0%b5%8d%e0%b4%aa%e0%b4%82-52

 

ചെറുതോണി: സന്‍സദ് ആദര്‍ശ്ഗ്രാം യോജനയും ഇടുക്കി ജില്ലാ സഹകരണ ബാങ്കും കുടുംബശ്രീ ജില്ലാ മിഷനും സംയുക്തമായി നടപ്പിലാക്കുന്ന 'ഒപ്പം' കരുതല്‍ ധന പദ്ധതി ജില്ലയിലെ മുഴുവന്‍ പഞ്ചായത്തുകളിലേക്കും വ്യാപിപ്പിക്കുമെന്ന് അഡ്വ: ജോയ്‌സ് ജോര്‍ജ്ജ് എം.പി പറഞ്ഞു.
ഇടുക്കി ജില്ലാ സഹകരണ ബാങ്ക് ഹാളില്‍ നടന്ന ഒപ്പം പദ്ധതിയുടെ ഭാഗമായുള്ള സി.ഡി.എസ് അംഗങ്ങളുടെ പരിശീലന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലയിലെ ഒന്നേകാല്‍ ലക്ഷം കുടുംബശ്രീ അംഗങ്ങള്‍ക്ക് 125 കോടി രൂപ കാര്‍ഷിക കരുതല്‍ധനമായി അടുക്കളത്തോട്ട നിര്‍മ്മാണത്തിനും മറ്റ് അടിയന്തിരാവശ്യങ്ങള്‍ക്കും ഉപയോഗിക്കുന്നതിനായി നല്‍കുകയാണ്. ഓരോ അമ്മമാര്‍ക്കും പതിനായിരം രൂപ അടങ്ങിയ ഒരു എ.റ്റി.എം. കാര്‍ഡ് നല്‍കും.
24 മണിക്കൂറും പണലഭ്യത ഉറപ്പു വരുത്തുന്ന രാജ്യത്തെ ഏറ്റവും മികച്ച സാമ്പത്തിക ഉള്‍പ്പെടുത്തല്‍ പദ്ധതിക്കാണ് തുടക്കമാകുന്നത്. സ്ത്രീ ശാക്തീകരണത്തിന്റെ ഏറ്റവും ഉദാത്തമായ മാതൃകയായി ഒപ്പം പദ്ധതി രൂപപ്പെടുകയാണ്. ആദര്‍ശ്ഗ്രാം പഞ്ചായത്തുകളായി തെരഞ്ഞെടുത്ത വെള്ളിയാമറ്റം, കഞ്ഞിക്കുഴി പഞ്ചായത്തുകളില്‍ തുടങ്ങി ജില്ലയിലെ മുഴുവന്‍ പഞ്ചായത്തുകളിലേക്കും പദ്ധതി ഇപ്പോള്‍ വ്യാപിപ്പിക്കുകയാണ്. ജില്ലാ ബാങ്ക് ജനറല്‍ മാനേജര്‍ എ.ആര്‍.രാജേഷ്, ഡെപ്യൂട്ടി ജനറല്‍ മാനേജര്‍ അശോക് കുമാര്‍ എന്നിവര്‍ പരിശീലന പരിപാടിയില്‍ പങ്കെടുത്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."