തിരുവനന്തപുരം: തിരുവല്ലം പനത്തുറ ചേന്തിലക്കരി ഭാഗത്ത ് കണ്ടല്‍ക്കാട്ടിനുള്ളില്‍ കണ്ടെത്തിയ മൃതദേഹം ലിത്വേനിയില്‍നിന്നു തിരുവനന്തപുരത്തെത്തി കാണാതായ ലിഗിയുടേതാണെന്ന് വ്യക്തമാകുന്നു. ഭര്‍ത്താവ് ആന്‍ഡ്രൂസും സഹോദരി ഇലീസും സ്ഥലത്തെത്തി. മൃതദേഹത്തുള്ള വസ്ത്രം ലിഗിയുടേതാണെന്ന് സഹോദരി തിരിച്ചറിഞ്ഞു. ആയുര്‍വേദ ചികിത്സക്കായി ലിത്വേനിയില്‍ നിന്ന് തിരുവനന്തപുരത്തെത്തിയതായിരുന്നു ലിഗി. ശാസ്ത്രീയ പരിശോധനകളുടെ ഫലത്തിനു കാത്തിരിക്കുകയാണ് പൊലിസ്. കൊലപാതകം ഉള്‍പ്പടെയുള്ള സാധ്യതകള്‍ പരിശോധിക്കുമെന്നും ഡി.സി.പി ജി ജയദേവ് പറഞ്ഞു. മൃതദേഹം പോസ്റ്റുമാര്‍ട്ടത്തിനായി മെഡിക്കല്‍ കോളജിലേക്ക് മാറ്റി. മൃതദേഹത്തിന് ഒരുമാസത്തോളം പഴക്കമുണ്ട്.