ന്യൂഡല്‍ഹി: സി.പി.എമ്മിന്റെ മുഖ്യശത്രു ബി.ജെ.പി തന്നെയെന്ന് പാര്‍ട്ടി നയം വ്യക്തമാക്കി സി.പി.എം ജനറല്‍ സെക്രട്ടറി സീതാറാം യെച്ചൂരി. ബി.ജെ.പിയെ അധികാരത്തില്‍ നിന്നും പുറത്താക്കുകയെന്നത് തന്നെയാണ് തങ്ങളുടെ പ്രധാനലക്ഷ്യമെന്ന് യെച്ചൂരി വ്യക്തമാക്കി.

ബി.ജെ.പി വിരുദ്ധവോട്ടുകള്‍ ഭിന്നിക്കാതെ നോക്കും. ബി.ജെ.പിയെ നേരിടുന്നതിലും പാര്‍ട്ടി ഉള്ളടക്കത്തിലും എല്ലാം സി.പി.എം ഒറ്റക്കെട്ടാണ്. കണ്ണിലെ കൃഷ്ണമണിപ്പോലെ ഐക്യം കാത്തുസൂക്ഷിക്കും. രാജ്യത്തെയും ജനങ്ങളെയും സംരക്ഷിക്കാന്‍ പാര്‍ട്ടി സുസജ്ജമെന്നും അദ്ദേഹം പറഞ്ഞു.