പുതുക്കാട്: സുസ്ഥിര പുതുക്കാട് വികസന പദ്ധതിയുടെ ഭാഗമായി ഔഷധിയുടെയും, മറ്റത്തൂര്‍ ലേബര്‍ സഹകരണ സംഘത്തിന്റെയും സഹകരണത്തോടെ മാട്ടുമലയിലെ നെല്ലിമല പുനര്‍ജീവനത്തിനു ആരംഭം കുറിച്ചു.
പദ്ധതി ഉദ്ഘാടനം വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ് നിര്‍വഹിച്ചു. സിനി ആര്‍ടിസ്റ്റ് ജയരാജ് വാര്യര്‍ മുഖ്യാതിഥിയായിരുന്നു. പുതുക്കാട് ഗ്രാമ പഞ്ചായത്ത് പ്രസിഡന്റ്  അമ്പിളി ശിവരാജന്‍ അധ്യക്ഷയായി. ജില്ലാ പഞ്ചായത്തംഗം കെ.ജെ ഡിക്‌സന്‍, വാര്‍ഡ് മെമ്പര്‍ സജിത്ത് എന്നിവര്‍ ആശംസകള്‍ പറഞ്ഞു.
കുന്നുകളില്‍ സസ്യങ്ങള്‍ സംരക്ഷിക്കപ്പെടേണ്ടത് താഴ്‌വരയുടെ ജല ലഭ്യതക്ക് അനിവാര്യമാണെന്ന് മന്ത്രി പറഞ്ഞു. ഔഷധി എം.ഡി കെ.ശശീധരന്‍ സ്വാഗതവും, മറ്റത്തൂര്‍ ലേബര്‍ സഹകരണ സംഘം പ്രസിഡന്റ് എ.കെ സുകുമാരന്‍ നന്ദിയും പറഞ്ഞു.