വളാഞ്ചേരി: ഇന്റര്‍നാഷനല്‍ ഇസ്‌ലാമിക് യൂനിവേഴ്‌സിറ്റീസ് ലീഗ് അംഗത്വത്തോടെ പ്രവര്‍ത്തിക്കുന്ന കോര്‍ഡിനേഷന്‍ ഓഫ് ഇസ്‌ലാമിക് കോളജില്‍ അഫിലിയേറ്റ് ചെയ്ത 49 വാഫി കോളജുകളിലേക്കും 32 വഫിയ്യ കോളജുകളിലേക്കുമുള്ള പ്രവേശന പരീക്ഷ മെയ് 12 (വഫിയ്യ), മെയ് 13 (വാഫി) തിയതികളില്‍ രാവിലെ 10.30ന് നിശ്ചിത കേന്ദ്രങ്ങളില്‍ നടക്കും. സ്‌കൂള്‍ പത്താം ക്ലാസും മദ്‌റസ ഏഴാം തരവും പൂര്‍ത്തിയാക്കിയ വിദ്യാര്‍ഥി വിദ്യാര്‍ഥിനികള്‍ക്ക് സി.ഐ.സി നടത്തുന്ന ഏകീകൃത പ്രവേശന പരീക്ഷയുടെ അടിസ്ഥാനത്തിലാണ് വാഫി വഫിയ്യ സ്ഥാപനങ്ങളിലേക്ക് പ്രവേശനം നല്‍കുന്നത്. പ്രവേശനം നേടാന്‍ താല്‍പര്യപ്പെടുന്നവര്‍ wafy.cic  വെബ്‌സൈറ്റില്‍ ഓണ്‍ലൈനായി അപേക്ഷിക്കേണ്ടതാണ്. പ്രോസ്‌പെക്ടസ് വെബ്‌സൈറ്റിലും വാഫി വഫിയ്യ കോളജുകളിലും ലഭിക്കുന്നതാണ്. സംസ്ഥാനത്തെ 24 കേന്ദ്രങ്ങളിലും ഗള്‍ഫിലെ റിയാദ്, ദോഹ, ജിദ്ദ, അബൂദബി എന്നിവിടങ്ങളിലും പരീക്ഷ സെന്ററുകളുണ്ട്. വിവരങ്ങള്‍ക്ക് 9746766746, 9497313222, എന്നീ നമ്പറുകളില്‍ ബന്ധപ്പെടാവുന്നതാണ്.