ന്യൂഡല്‍ഹി: മുസ്‌ലിംലീഗ് പ്രവര്‍ത്തകനായിരുന്ന അരിയില്‍ ഷുക്കൂര്‍ വധക്കേസില്‍ സി.ബി.ഐ സുപ്രിംകോടതിയില്‍ തല്‍സ്ഥിതി റിപ്പോര്‍ട്ട് സമര്‍പ്പിച്ചു. സി.പി.എം നേതാക്കളായ പി. ജയരാജന്‍, ടി.വി രാജേഷ് എന്നിവര്‍ ഉള്‍പ്പെടുന്ന കേസിലാണ് തല്‍സ്ഥിതി റിപ്പോര്‍ട്ട് നല്‍കിയത്. റിപ്പോര്‍ട്ടിന്റെ പകര്‍പ്പ് നല്‍കണമെന്ന് കേരളം കോടതിയില്‍ ആവശ്യപ്പെട്ടു. എന്നാല്‍ ആദ്യം തങ്ങള്‍ പരിശോധിച്ച ശേഷമേ സംസ്ഥാന സര്‍ക്കാരിന് കൈമാറാന്‍ സാധിക്കൂവെന്ന് കോടതി വ്യക്തമാക്കി.
2012 ഫെബ്രുവരി 20നാണ് അരിയില്‍ അബ്ദുല്‍ ഷുക്കൂറിനെ മണിക്കൂറുകളോളം തടവില്‍ പാര്‍പ്പിച്ച് വെട്ടിക്കൊലപ്പെടുത്തിയത്. സി.പി.എം ജില്ലാ സെക്രട്ടറി പി. ജയരാജന്‍, എം.വി ജയരാജന്‍, ടി.വി രാജേഷ് എം.എല്‍.എ എന്നിവരുടെ കാര്‍ ആക്രമിച്ചുവെന്ന് ആരോപിച്ചാണ് അബ്ദുല്‍ഷുക്കൂറിനെ സി.പി.എമ്മുകാര്‍ കൊലപ്പെടുത്തിയത്.