കൊച്ചി: 2017 ലെ സിവില്‍ സര്‍വീസ് പരീക്ഷയില്‍ എറണാകുളം കോലഞ്ചേരി സ്വദേശിനിയ്ക്ക് അഭിമാന നേട്ടം. ദേശീയ തലത്തില്‍ 16 ാം റാങ്കോടെയാണ് കോലഞ്ചേരി വടയമ്പാടി കാവാനക്കുടിയില്‍ സുരേന്ദ്രന്റെ മകള്‍ ശിഖ നേട്ടം കൊയ്തത്. കടയിരുപ്പ് ഹയര്‍സെക്കന്ററി സ്‌കൂളില്‍ പത്താം ക്ലാസ് വരെ വിദ്യാഭ്യാസം പൂര്‍ത്തിയാക്കിയ ശിഖ കോലഞ്ചേരി സെന്റ് പീറ്റേഴ്‌സ് സ്‌കൂളിലാണ് ഹയര്‍സെക്കന്ററി വിദ്യാഭ്യാസം പൂര്‍ത്തിയാക്കിയത്. തുടര്‍ന്ന് കോതമംഗലം എം.എ കോളേജില്‍ നിന്നും എഞ്ചിനീയറിങ് കഴിഞ്ഞ ശേഷമാണ് സിവില്‍ സര്‍വീസ് പരീക്ഷയില്‍ ഭാഗ്യം പരീക്ഷിച്ചത്. സഹോദരി നിവയും എഞ്ചിനീയറിങ് പൂര്‍ത്തിയാക്കിയിട്ടുണ്ട്. സിലോയാണ് അമ്മ.