കൊയിലാണ്ടി: പ്രവാസലോകത്തിരുന്ന് കെ.എം.സി.സി ഘടകങ്ങള്‍ നടത്തിവരുന്ന സേവന പ്രവര്‍ത്തനങ്ങള്‍ മാതൃകാപരമാണെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. കെ.എം.സി.സി കൊയിലാണ്ടി മണ്ഡലം കമ്മിറ്റി പൊയില്‍കാവില്‍ ആരംഭിച്ച ഉറവ കുടിവെള്ള പദ്ധതി ഗുണഭോക്താക്കള്‍ക്ക് സമര്‍പിച്ചുകൊണ്ട് സംസാരിക്കുകയായിരുന്നു അദ്ദേഹം.
അങ്കനവാടി ഉള്‍പ്പെടെ എട്ടോളം കുടുംബങ്ങള്‍ക്ക് പദ്ധതിയുടെ പ്രയോജനം ലഭിക്കും.
സ്വകാര്യ വ്യക്തി സുബൈദ അനുവദിച്ച സ്ഥലത്താണ് സഹോദര സമുദായങ്ങള്‍ക്ക് കിടിവെള്ളത്തിന് സൗകര്യമൊരുക്കിയത്. കെ.എം.സി.സി പ്രസിഡന്റ് പി സദഖത്തുല്ല അധ്യക്ഷനായി.
വി.പി ഇബ്രാഹീംകുട്ടി, വെങ്ങളം റഷീദ്, മമ്മു കെട്ടുങ്ങല്‍, നൗഫല്‍ അലങ്കാര്‍, റഷീദ് യമാനി, സി.പി അലി, നുസ്‌റത്ത്, സാദിഖ്, ഹമീദ്, എ അസീസ്, അബ്ദുറഹ്മാന്‍ മുചുകുന്ന് സംബന്ധിച്ചു.