അങ്ങാടിപ്പുറം: ഓരാടംപാലത്തെ പാലം അക്വാറിയം നഴ്‌സറിയില്‍ വീണ്ടും മോഷണം. വിലയേറിയ ജോഡി അലങ്കാര പ്രാവുകള്‍, അങ്കകോഴികള്‍, മുയലുകള്‍, ഗിനിപന്നി, ഫാന്‍സി കോഴികള്‍ തുടങ്ങിയവ കഴിഞ്ഞ ദിവസം മോഷണം പോയി. ഇത്രയും അധികം ജീവികളെ കടത്തി കൊണ്ടു പോകാന്‍ ഒരാള്‍ക്ക് കഴിയില്ലെന്നും ഒന്നില്‍ കൂടുതല്‍ പേര്‍ മോഷ്ടാക്കള്‍ ഉണ്ടായേക്കാം എന്നും ജീവനക്കാരന്‍ പറഞ്ഞു. ഏകദേശം 15000 രൂപയുടെ നാശ നഷ്ടങ്ങള്‍ ഉള്ളതായും കണക്കാക്കുന്നു. പിറകുവശത്തെ സുരക്ഷാ വലയം തകര്‍ത്താണ് മോഷ്ടാക്കള്‍ അകത്തു കയറിയത്. മോഷ്ടാക്കള്‍ ഉപയോഗിച്ചിരുന്ന ആയുധം നഴ്‌സറിയുടെ സമീപത്തു നിന്നും കണ്ടെടുത്തിട്ടുണ്ട്.
ആഴ്ചകള്‍ക്ക് മുന്‍പ് ഇതേ നഴ്‌സറിയില്‍ നിന്നും പെരിന്തല്‍മണ്ണ അക്വാഫിഷ് നഴ്‌സറിയില്‍ നിന്നുമായി 40,000 രൂപയോളം വിലമതിക്കുന്ന വസ്തുക്കള്‍ മോഷണം പോയിരുന്നു. അങ്ങാടിപ്പുറം ഓറാടംപാലത്തിനടുത്തുള്ള നഴ്‌സറിയില്‍ ഇതിനു മുന്‍പും മോഷണം നടന്നിട്ടുണ്ട്. പെരിന്തല്‍മണ്ണ പൊലിസില്‍ സ്റ്റേഷനില്‍ പരാതി നല്‍കി.