നിലമ്പൂര്‍: ലോകപരിസ്ഥിതി ദിനത്തോടനുബന്ധിച്ച് ഒരുമരം പദ്ധതിയുടെ ഭാഗമായി ഇടിവണ്ണ സെന്റ്. തോമസ് എ യു പി സ്‌കൂളില്‍ ഒരു മരം പദ്ധതിക്ക് തുടക്കമായി. സ്‌കൂള്‍ മാനേജര്‍ റവ. ഫാ. സെബാസ്റ്റ്യന്‍ പാറയില്‍ വൃക്ഷത്തൈ നട്ട് ഉദ്ഘാടനം ചെയ്തു. മണ്ണും മരവും മനുഷ്യന്റെ ജീവനാഡി എന്ന ആശയം കുരുന്നുമനസ്സുകളില്‍ ഉണ്ടാവണമെന്ന് അദ്ദേഹം പറഞ്ഞു. പ്രധാനാധ്യാപിക മെറീന പോള്‍ അധ്യക്ഷയായി. ഹരിതസേനാധ്യാപിക സിസ്റ്റര്‍.ദീപ ആന്റണി ഹരിതവര്‍ഷപ്രമേയ സന്ദേശം നല്‍കി.