ഇസ്‌ലാമാബാദ്: അധോലോക നായകന്‍ ദാവൂദ് ഇബ്രാഹിം ഡല്‍ഹി ആക്രമിച്ചേക്കുമെന്ന് രഹസ്യാന്വേഷണ റിപ്പോര്‍ട്ട്. ഇയാളുടെ ചില സന്ദേശങ്ങള്‍ ചോര്‍ത്തിയതിലൂടെ ലഭിച്ച വിവരങ്ങളുടെ അടിസ്ഥാനത്തിലാണ് രഹസ്യാന്വേഷണ വിഭാഗത്തിന്റെ മുന്നറിയിപ്പ്. നേരത്തെ നടത്തിയ മുംബൈ സ്‌ഫോടനങ്ങളുടെ സമാനമായ ആക്രമണങ്ങള്‍ നടത്താനാണത്രെ പദ്ധതി. 1993ല്‍ 257 പേരുടെ മരണത്തിനിടയാക്കിയ മുംബൈ സ്‌ഫോടന പരമ്പരയ്ക്ക് സമാനമായ ആക്രമണങ്ങള്‍ നടത്താന്‍ ചില ആളുകള്‍ക്ക് ദാവൂദ് നിര്‍ദേശം നല്‍കിയതായാണ് വിവരം. ഇന്ദിരാ ഗാന്ധി അന്താരാഷ്ട്ര വിമാനത്താവളം, ഡല്‍ഹി മെട്രോ, നിയമസഭ, റെയില്‍വേ സ്‌റ്റേഷന്‍ എന്നിവിടങ്ങളിലാണ് ആക്രമണ സാധ്യത.