കണ്ണൂര്‍: കോണ്‍ഗ്രസ് ഓഫീസ് ആക്രമണത്തില്‍ സിപിഎമ്മിനെ വെല്ലുവിളിച്ച് കെപിസിസി പ്രസിഡന്റ് കെ സുധാകരന്‍. സിപിഎമ്മിന്റെ ഓഫീസുകള്‍ പൊളിക്കാന്‍ കോണ്‍ഗ്രസിന്റെ പത്ത് പിള്ളേര്‍ മതിയെന്ന് സുധാകരന്‍ പറഞ്ഞു. കണ്ണൂരില്‍ സുധാകരന്‍ ഉദ്ഘാടനം ചെയ്യാനിരുന്ന കോണ്‍ഗ്രസ് ഓഫീസ് തകര്‍ത്ത സംഭവത്തിലാണ് അദ്ദേഹത്തിന്റെ പ്രതികരണം.  

'നോക്കി നില്‍ക്കുന്ന പ്രശ്‌നമില്ല. ഇതുപോലെ നിങ്ങളുടെ ഓഫീസുകള്‍ പൊളിക്കാന്‍ ഞങ്ങള്‍ക്ക് പത്ത് പിള്ളേരേ രാത്രി അയച്ചാല്‍ മതി. നിങ്ങളുടേതൊന്നും പൊളിക്കാന്‍ കഴിയില്ലെന്നാണോ സിപിഎമ്മുകാര്‍ ധരിക്കുന്നത്. പൊളിച്ച് കാണണമെന്ന് സിപിഎമ്മിന് ആഗ്രഹമുണ്ടോ? ഉണ്ടെങ്കില്‍ പറയെടോ, നിങ്ങള്‍ക്ക് കാണിച്ച് തരാം. ആണ്‍കുട്ടികള്‍ ഇവിടെയുണ്ടെന്ന് നിങ്ങള്‍ക്ക് തെളിയിച്ച് തരാം,- കെ സുധാകരന്‍ പറഞ്ഞു. 

പിണറായി വെണ്ടുട്ടായിയില്‍ കോഴൂര്‍കനാലിലെ പ്രിയദര്‍ശിനി മന്ദിരത്തിന് നേരെയാണ് ആക്രമണം ഉണ്ടായത്. ഓഫീസിനുള്ളിലേക്ക് പെട്രോള്‍ ഒഴിച്ച് തീയിടുകയായിരുന്നു. പ്രദേശത്തെ വൈദ്യുതി ബന്ധം വിച്ഛേദിച്ചാണ് ഓഫീസിന് തീയിട്ടത്. ഓഫീസിലെ സിസിടിവികളെല്ലാം അക്രമികള്‍ കൊണ്ടുപോവുകയും ചെയ്തു. 

Congress office attack in Kannur K Sudhakaran challenged CPM