തൃശൂര്‍: സ്വകാര്യ വ്യക്തിയുടെ പറമ്പില്‍ നിന്നും രണ്ടു മാസം പ്രായമായ കഞ്ചാവ് ചെടികള്‍ പിടികൂടി.
പാണഞ്ചേരിയിലെ കാടുപിടിച്ചു കിടക്കുന്ന പറമ്പില്‍ നിന്നാണ് കഞ്ചാവ് ചെടികള്‍ പിടികൂടിയത്.
എക്‌സൈസ് എന്‍ഫോഴ്‌സ്‌മെന്റ് ആന്റ് ആന്റി നാര്‍ക്കോട്ടിക് സ്‌പെഷല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്റ്റര്‍ എ.ജി പ്രകാശന്റെ നേതൃത്വത്തിലായിരുന്നു റെയ്ഡ്. പ്രിവെന്റീവ് ഓഫിസര്‍മാരായ ടി.ജെ രണ്‍ജിത്, പി.എ ഹരിദാസ്, കെ.സി അനന്തന്‍, സിവില്‍ എക്‌സൈസ് ഓഫിസര്‍മാരായ എം.കെ ബിനു, എം.വി ബിനോയ്, ടി.ആര്‍ സുനില്‍, ടി.കെ ദേവദാസ് എന്നിവരും പങ്കെടുത്തു.