ഗയാന: ത്രിരാഷ്ട്ര പരമ്പരയില്‍ ആസ്‌ത്രേലിയക്കെതിരായ മത്സരത്തില്‍ ദക്ഷിണാഫ്രിക്കയ്ക്ക് ബോണസ് പോയിന്റോടെ ജയം. 47 റണ്‍സിനാണ് ടീമിന്റെ ജയം. ദക്ഷിണാഫ്രിക്ക ഉയര്‍ത്തിയ 190 റണ്‍സെന്ന ദുര്‍ബല ലക്ഷ്യം പിന്തുടര്‍ന്ന ആസ്‌ത്രേലിയ 142 റണ്‍സിന് പുറത്താവുകയായിരുന്നു. ആദ്യ മത്സരത്തില്‍ വെസ്റ്റിന്‍ഡീസിനോട് തോറ്റ ടീമിനു ബോണസ് പോയിന്റ് ജയത്തോടെ പട്ടികയില്‍ ഒന്നാമതെത്താനായി.
ഫര്‍ഹാന്‍ ബെഹര്‍ദീന്‍(62) ദക്ഷിണാഫ്രിക്കയെ മാന്യമായ സ്‌കോറിലെത്തിച്ചപ്പോള്‍ റബാദ മൂന്നു വിക്കറ്റും വെയ്ന്‍ പാര്‍നെല്‍, ഇമ്രാന്‍ താഹിര്‍, ഫങ്കിസോ എന്നിവര്‍ രണ്ടും വിക്കറ്റെടുത്ത് ടീമിന്റെ വിജയം ഉറപ്പിച്ചു. ബെഹര്‍ദീനാണ് കളിയിലെ താരം.