മലപ്പുറം: അഡീഷനല്‍ സ്‌കില്‍ അക്വിസിഷന്‍ പ്രോഗ്രാം (അസാപ്പ്) പരിശീലന കോഴ്‌സ് ആരംഭിക്കുവാന്‍ സര്‍ക്കാര്‍ - എയ്ഡഡ് മേഖലയിലുള്ള വൊക്കേഷനല്‍ ഹയര്‍ സെക്കന്‍ഡറി സ്‌കൂളുകളില്‍ നിന്നും അപേക്ഷ ക്ഷണിച്ചു. സംസ്ഥാനത്തെ ഹയര്‍ സെക്കന്‍ഡറി, വൊക്കേഷനല്‍ ഹയര്‍ സെക്കന്‍ഡറി, ആര്‍ട്‌സ് ആന്‍ഡ് സയന്‍സ് കോളെജുകള്‍ എന്നിവിടങ്ങളില്‍ പഠിക്കുന്നവര്‍ക്ക് തൊഴില്‍ നൈപുണ്യം നല്‍കുന്ന ഉന്നത പൊതുവിദ്യാഭ്യാസ വകുപ്പുകളുടെ സംയുക്ത സംരംഭമായ അസാപ്പ് വിവിധ തൊഴില്‍ മേഖലയിലുള്ള വ്യവസായ സംബന്ധമായ സ്‌കില്‍ കോഴ്‌സുകളാണ് നടത്തുന്നത്. വൊക്കേഷനല്‍ ഹയര്‍ സെക്കന്‍ഡറി വിദ്യാര്‍ഥികള്‍ക്ക് അസാപ്പിന്റെ കമ്മ്യൂനിക്കേറ്റീവ് ഇംഗ്ലീഷ്, ഇന്‍ഫര്‍മേഷന്‍ ടെക്‌നോളജി എന്നിവയടങ്ങുന്ന ഫൗണ്ടേഷന്‍ മൊഡ്യൂള്‍ പരിശീലനമാണ് ലഭിക്കുക.
താല്‍പര്യമുള്ള സ്‌കൂളുകള്‍ക്ക് അസാപ് പരിശീലന സ്ഥാപനമാകാനായി മമെുസലൃമഹമ.ഴീ്.ശിസന്ദര്‍ശിച്ച് 15നകം ഓണ്‍ലൈനായി അപേക്ഷ നല്‍കാം. യോഗ്യതകള്‍ വെബ്‌സൈറ്റില്‍ നല്‍കിയിട്ടുണ്ട്. നിര്‍ദിഷ്ട മാതൃകയിലുള്ള അണ്ടര്‍ടേക്കിങ് 200 രൂപ സ്റ്റാംപ് പേപ്പറില്‍ തയാറാക്കി ഒപ്പ് രേഖപ്പെടുത്തി സ്‌കാന്‍ ചെയ്ത് അപേക്ഷാ ഫോമില്‍ ഇതിനായുള്ള സ്ഥലത്ത് അപ്‌ലോഡ് ചെയ്യണം. അപേക്ഷയുടെ ഹാര്‍ഡ് കോപ്പി എഗ്രിമെന്റിനോടൊപ്പം അയക്കണമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. ഫോണ്‍ 9446904245 .