നിലമ്പൂര്‍: മഴക്കാലമെത്തിയതോടെ വൈദ്യുതിയുമായി ബന്ധപ്പെട്ട അപകടങ്ങള്‍ ഉണ്ടണ്ടാവാനുള്ള സാഹചര്യം മുന്നില്‍ കണ്ടു മുന്നറിയിപ്പുമായി കെ.എസ്.ഇ.ബി. അപകടങ്ങളൊഴിവാക്കുന്നതിനുള്ള മാര്‍ഗ നിര്‍ദ്ദേശങ്ങളടങ്ങിയ നോട്ടിസ് ഓഫിസുകള്‍ വഴി വിതരണം തുടങ്ങി. അശ്രദ്ധ, അലംഭാവം,അറിവില്ലായ്മ എന്നിവ അപകടകാരണങ്ങളായേക്കാമെന്ന് ഓര്‍മപ്പെടുത്തലും നോട്ടിസിലുണ്ടണ്ട്. മെയിന്‍ സ്വിച്ച് പ്രവര്‍ത്തനക്ഷമമാക്കി വെക്കുക, മൂന്നു പിന്‍ ഉള്ള പ്ലഗ്ഗുകള്‍ മാത്രം ഉപയോഗിക്കുക, ഒരു പ്ലഗ് സോക്കറ്റില്‍ ഒരു ഉപകരണം മാത്രം ഉപയോഗിക്കുക, എര്‍ത്ത് ലീക്കേജ് സര്‍ക്യൂട്ട് ബ്രേക്കര്‍ സ്ഥാപിക്കുക, എര്‍ത്തിംഗ് കാര്യക്ഷമമാക്കുക, തുടങ്ങിയ മുന്നറിയിപ്പുകളുമായാണു കുറിപ്പുകളുള്ളത്. എല്ലാ പരാതികള്‍ക്കും അന്വേഷണങ്ങള്‍ക്കും 1912 എന്ന നമ്പറുമായി ബന്ധപ്പെടാനും നിര്‍ദ്ദേശമുണ്ട്.