മലപ്പുറം: ജാമിഅ ഇസ്‌ലാമിയ്യയുടെ പ്രചാരണത്തിനായി ഒമാനിലേക്ക് പോകുന്ന എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി ശഹീര്‍ അന്‍വരി പുറങ്ങിന് യാത്രയയപ്പ് നല്‍കി. ജാമിഅ ഇസ്‌ലാമിയ്യ പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനായി. സി.കുഞ്ഞാപ്പുട്ടി ഹാജി, എം.പി മുഹമ്മദ് മുസ്‌ലിയാര്‍ കടുങ്ങല്ലൂര്‍, ഷാഹുല്‍ ഹമീദ് മേല്‍മുറി, ശമീര്‍ ഫൈസി ഒടമല, സി.ടി ജലീല്‍ പട്ടര്‍കുളം, ഫാറൂഖ് ഫൈസി മണിമൂളി, എം.അഹമ്മദ്, എം.കുഞ്ഞാപ്പ, കെ.സി അബ്ദുള്ള ഹാജി പ്രസംഗിച്ചു. യതീംഖാന, അഗതിമന്ദിരം, ജൂനിയര്‍ ശരീഅത്ത് കോളേജ്, ഹിഫഌല്‍ ഖുര്‍ആന്‍ സ്‌കൂള്‍, കെ.ജി മുതല്‍ കോളേജ് വരെയുള്ള വിദ്യാഭ്യാസ സ്ഥാപനങ്ങള്‍ തുടങ്ങിയവ ജാമിഅ കാമ്പസില്‍ പ്രവര്‍ത്തിക്കുന്നു.