നാദാപുരം: മൈസൂരില്‍ നടന്ന അഞ്ചാമത് ദേശീയ കളരി പയറ്റ് ചാംപ്യന്‍ഷിപ്പില്‍ തിളക്കമാര്‍ന്ന പ്രകടനവുമായി നാദാപുരം ചൂരക്കൊടി കളരി സംഘം. വ്യക്തിഗത ഇനമായ അണ്ടര്‍ 65 കിലോ റിയല്‍ ഫൈറ്റില്‍ കെ.വി സാബിത്ത് സ്വര്‍ണ മെഡലും ജൂനിയര്‍ അണ്ടര്‍ 44 കിലോ വിഭാഗത്തില്‍ ടി. മുഹമ്മദ് ഷഫിന്‍ വെള്ളി മെഡലും ജൂനിയര്‍ വാളും വാളും പരിചയില്‍ മുഹമ്മദ് ഫാരിസും, മുഹമ്മദ് ഷഫിനും വെള്ളിമെഡലും മുഹമ്മദ് അസ് ലം, എം.സി ആദില്‍ വെങ്കലവും നേടി. സി.എച് ഹാരിസാണ് പരിശീലനം നല്‍കുന്നത്.