കൊപ്പം: എസ്.വൈ.എസ്. പട്ടാമ്പി മണ്ഡലം ഖുര്‍ആന്‍ സ്റ്റഡി സെന്ററിന്റെ ആഭിമുഖ്യത്തില്‍ ഈ മാസം 26ന് നടത്തുന്ന ഖുര്‍ആന്‍ പ്രഭാഷണ വാര്‍ഷികത്തിന് ആമയൂര്‍ വാദി ഫുര്‍ഖാന്‍ ഒരുങ്ങുന്നു. സ്വാഗതസംഘം ചെയര്‍മാന്‍ സയ്യിദ് അബ്ദുറഹ്മാന്‍ ജിഫ്രി തങ്ങളുടെ നേതൃത്വത്തിലാണ് സമ്മേളന ഒരുക്കങ്ങള്‍ നടക്കുന്നത്. വാര്‍ഷികത്തിന്റെ ഭാഗമായി മണ്ഡലത്തിലെ പഞ്ചായത്ത് തലങ്ങളില്‍ ഖത്മുല്‍ ഖുര്‍ആന്‍ സംഗമങ്ങള്‍ നടന്നു. സമസ്ത ജില്ലാ മുശാവറ അംഗം കെ.എം അബ്ബാസ് മളാഹിരി, എസ് വൈ എസ്. ജില്ലാ സെക്രട്ടറി എം.എം ബഷീര്‍ മാസ്റ്റര്‍, മുഹമ്മദ് കുട്ടി മുസ്ല്യാര്‍, ഉസ്മാന്‍ ദാരിമി, ശാഹുല്‍ ഹമീദ് മുസ്ല്യാര്‍, സൈതലി ഫൈസി കുലുക്കല്ലൂര്‍, സൈതലി മുസ്ല്യാര്‍ ,സുലൈമാന്‍ മുസ്ല്യാര്‍ എന്നിവര്‍ നേതൃത്വം നല്‍കി . വാര്‍ഷികത്തോടനുബന്ധിച്ച് നടന്ന ക്വിസ് മത്സരത്തില്‍ മുന്നൂറില്‍പരം ഖുര്‍ആന്‍ പഠിതാക്കള്‍ പങ്കെടുത്തു. കെ.പി.എ. സമദ് മാസ്റ്റര്‍ മത്സരം നിയന്ത്രിച്ചു. വാര്‍ഷിക പരിപാടികള്‍ക്കാവശ്യമായ വളണ്ടിയര്‍ സ്‌ക്വാഡിനെ തെരെഞ്ഞെടുക്കുന്നതിന് വേണ്ടിയുള്ള വളണ്ടിയര്‍ മീറ്റ് നാളെ വൈകുന്നേരം നാല് മണിക്ക് ആമയൂര്‍ ഹിദായത്തുല്‍ അനാം മദ്രസ ഓഡിറ്റോറിയത്തില്‍ നടക്കും. ജില്ലാ മണ്ഡലം ഭാരവാഹികള്‍ സംബന്ധിക്കും.