തെഹ്‌റാന്‍: ഉക്രൈന്‍ വിമാനം ഇറാന്‍ അബദ്ധത്തില്‍ മിസൈല്‍ ഉപയോഗിച്ച് വീഴ്ത്തിയതാകാമെന്ന വാദത്തോട് വിയോജിച്ച് ഇറാന്‍. യാത്രാവിമാനത്തെ വീഴ്ത്തിയെന്നത് അസംഭവ്യമാണെന്ന് ഇറാന്‍ വ്യോമയാനമേധാവി അലി ആബിദ് സാദ പറഞ്ഞു. ഒരു മിസൈലും വിമാനത്തില്‍ പതിച്ചിട്ടില്ല.
വിമാനം തകര്‍ന്നതു സംബന്ധിച്ച് എല്ലാ വിവരവും യു.എസും കാനഡയുമായി പങ്കുവയ്ക്കാം. ഇനി അവര്‍ അങ്ങനെ ഉറപ്പിക്കുകയാണെങ്കില്‍ കണ്ടെത്തല്‍ ലോകത്തിന് കാട്ടിക്കൊടുക്കട്ടെ- അദ്ദേഹം വെല്ലുവിളിച്ചു.