കാസര്‍കോട്: തീരദേശ നിയന്ത്രണ പരിപാലന നിയമത്തില്‍ ടൂറിസം പദ്ധതികള്‍ക്ക് ഇളവു നല്‍കാനുള്ള കേന്ദ്ര സര്‍ക്കാര്‍ നീക്കം വന്‍കിട കോര്‍പറേറ്റുകളെ സഹായിക്കാന്‍ മാത്രമേ ഉപകരിക്കുകയുള്ളൂവെന്നും ഭാവിയില്‍ തീരപ്രദേശങ്ങളില്‍നിന്നു പരമ്പരാഗത മത്സ്യത്തൊഴിലാളികളെ നിര്‍മാര്‍ജനം ചെയ്യുന്നതിന് ഇടയാക്കുമെന്നും അഖിലേന്ത്യാ മത്സ്യത്തൊഴിലാളി കോണ്‍ഗ്രസ് ജില്ലാ കമ്മിറ്റിയോഗം അഭിപ്രായപ്പെട്ടു.
യോഗം അഖിലേന്ത്യാ മത്സ്യത്തൊഴിലാളി കോണ്‍ഗ്രസ് ദേശീയ സെക്രട്ടറി ആര്‍. ഗംഗാധരന്‍ ഉദ്ഘാടനം ചെയ്തു. ജില്ലാ പ്രസിഡന്റ് ജി. നാരായണന്‍ അധ്യക്ഷനായി. സംസ്ഥാന ജനറല്‍ സെക്രട്ടറി വി.ആര്‍ വിദ്യാസാഗര്‍ മുഖ്യ പ്രഭാഷണം നട ത്തി. മുട്ടത്തു രാഘവന്‍, കെ. ബാലകൃഷ്ണന്‍, ടി. ധനഞ്ജയന്‍, കെ. കേളന്‍, കെ. മനോഹരന്‍ സംസാരിച്ചു.