#ഉബൈദുല്ല റഹ് മാനി  

 

മനാമ: വിദേശത്ത് മരണപ്പെടുന്ന പ്രവാസികളുടെ മൃതദേഹം ഭാരം നോക്കി നിരക്ക് ഈടാക്കുന്ന രീതി ഒഴിവാക്കിയ എയര്‍ ഇന്ത്യയുടെ തീരുമാനം സമസ്ത ബഹ്റൈന്‍ സ്വാഗതം ചെയ്തു.പ്രവാസികളുടെ കാര്യങ്ങളിലെല്ലാം എയര്‍ ഇന്ത്യയില്‍ നിന്നും ഇത്തരം അനുകൂല സമീപനമുണ്ടാവണമെന്നാണ് എല്ലാവരും ആഗ്രഹിക്കുന്നത്. 

 

പ്രവാസികള്‍ വര്‍ഷങ്ങളായി ആവശ്യപ്പെട്ടുകൊണ്ടിരിക്കുന്ന  ഈ സുപ്രധാന ആവശ്യം ഇപ്പോഴെങ്കിലും പരിഗണിച്ചതിന് എയര്‍ ഇന്ത്യാ മാനേജ്മെന്‍റിനോടുള്ള നന്ദിയും കടപ്പാടും അറിയിക്കുന്നു.  തുടര്‍ന്നും ടിക്കറ്റ് നിരക്കു വര്‍ദ്ധന ഉള്‍പ്പെടെയുള്ള പ്രവാസികളുടെ യാത്രാ സംബന്ധമായ മുഴുവന്‍ വിഷയങ്ങളിലും എയര്‍ ഇന്ത്യയില്‍ നിന്നും ‍പ്രവാസികള്‍ക്ക് അനുകൂലമായ തീരുമാനങ്ങളുണ്ടാകുമെന്ന് പ്രതീക്ഷിക്കുന്നതായും സമസ്ത ബഹ്റൈന്‍ നേതാക്കള്‍ പത്രക്കുറിപ്പില്‍ അറിയിച്ചു.