കൊച്ചി: പ്രശസ്ത പത്രപ്രവര്‍ത്തകനും ക്രൈം എഡിറ്ററുമായിരുന്ന ടൈറ്റസ് കെ.വിളയിലിന്റെ പേരില്‍ ക്രൈം ഏര്‍പ്പെടുത്തിയ ഏറ്റവും നല്ല അന്വേഷണാത്മക പത്രപ്രവര്‍ത്തനത്തിനുള്ള അവാര്‍ഡിന് അപേക്ഷ ക്ഷണിച്ചു. പ്രിന്റ് മീഡിയയിലും ദൃശ്യമാധ്യമത്തിലും വന്ന അന്വേഷണാത്മക റിപ്പോര്‍ട്ടുകള്‍ക്ക് 51,000 രൂപ വീതം രണ്ട് അവാര്‍ഡുകളാണ് നല്‍കുന്നത്. 2018 ജനുവരി മുതല്‍ ഡിസംബര്‍ വരെയുള്ള കാലയളവില്‍ മലയാളം പത്രങ്ങളില്‍ പ്രസിദ്ധീകരിക്കുകയും മലയാളം ചാനലുകളില്‍ സംപ്രേക്ഷണം ചെയ്യുകയും ചെയ്ത റിപ്പോര്‍ട്ടുകളാണ് പരിഗണിക്കുന്നത്.
2019 ജനുവരി 30ന് മുന്‍പായി കോപ്പികള്‍ അവാര്‍ഡ് കമ്മിറ്റി ചെയര്‍മാന്‍, ക്രൈം ദ്വൈവാരിക, കെ.എം.എ.ബില്‍ഡിങ്, പുതിയറ റോഡ്, കോഴിക്കോട് 4, ഫോണ്‍ : 9074946707 എന്ന അഡ്രസില്‍ അയക്കാം. അവാര്‍ഡ് എറണാകുളത്ത് നടത്തുന്ന സെമിനാറില്‍ സമ്മാനിക്കും.