കോഴിക്കോട്: നാദാപുരം ഹുദൈബിയ്യയില്‍ നടക്കുന്ന എസ്.കെ എസ്. എസ്.എഫ് മദീന പാഷന്‍ ജില്ലാ സമ്മേളനത്തിന് നാളെ വൈകിട്ട് സമ്മേളന നഗരിയില്‍ സമസ്ത ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാര്‍ പതാക ഉയര്‍ത്തുന്നതോടെ തുടക്കമാവും.
24നു വൈകിട്ട് നടക്കുന്ന ഉദ്ഘാടന സമ്മേളനം സുന്നി യുവജന സംഘം സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി മുഖ്യാതിഥിയാകും.
അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും. ഏഴിനു മജ്‌ലിസുന്നൂര്‍ ആത്മീയ സദസ് കോഴിക്കോട് വലിയ ഖാസി സയ്യിദ് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. 25നു നടക്കുന്ന പ്രവാസി സംഗമം പാറക്കല്‍ അബ്ദുല്ല എം.എല്‍.എ ഉദ്ഘാടനം ചെയ്യും.
രാഷ്ട്രീയ സാമൂഹിക മേഖലയിലെ പ്രമുഖര്‍ സംബന്ധിക്കും. 4.30ന് മാനവികം സെമിനാര്‍ മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്യും. വൈകിട്ട് ഏഴിന് ആദര്‍ശ സമ്മേളനം സമസ്ത മുശാവറ അംഗം എ.വി അബ്ദുറഹിമാന്‍ മുസ്‌ലിയാര്‍ ഉദ്ഘാടനം ചെയ്യും.
26നു രാവിലെ 8.30ന് മദീന പാഷന്‍ പ്രതിനിധി ക്യാംപ് ആരംഭിക്കും. ഒന്‍പതിനു ഗ്രാന്റ് അസംബ്ലിയും 9.30ന് ആരംഭിക്കുന്ന ക്യാംപും സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് ഉദ്ഘാടനം ചെയ്യും. വൈകിട്ട് ഏഴിനു നടക്കുന്ന സമാപന പൊതുസമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
സമസ്ത സെക്രട്ടറി കൊയ്യോട് ഉമര്‍ മുസ്‌ലിയാര്‍ മുഖ്യപ്രഭാഷണം നടത്തും. ചേലക്കാട് മുഹമ്മദ് മുസ്‌ലിയാര്‍, വില്ല്യാപള്ളി ഇബ്രാഹിം മുസ്‌ലിയാര്‍, അബ്ദുല്‍ ഹമീദ് ഫൈസി അമ്പലക്കടവ്, റഹ്മത്തുല്ലാഹ് ഖാസിമി മുത്തേടം, നാസര്‍ ഫൈസി കൂടത്തായി, സത്താര്‍ പന്തലൂര്‍ പ്രഭാഷണം നടത്തും.
വാര്‍ത്താസമ്മേളനത്തില്‍ ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി, ജനറല്‍ സെക്രട്ടറി ഒ.പി അഷ്‌റഫ് കുറ്റിക്കടവ്, ഫൈസല്‍ ഫൈസി മടവൂര്‍, നൂറുദ്ദീന്‍ ഫൈസി മുണ്ടുപാറ പങ്കെടുത്തു.