ഭുവനേശ്വര്‍: വിവാദ പ്രസ്‌താവനക്ക് പിറകെ ഒഡീഷ കൃഷി മന്ത്രി പ്രദീപ് മഹാരതി രാജിവെച്ചു. പിപിലി കൂട്ടബലാത്സംഗക്കേസിലെ പ്രതിയെ വെറുതെവിട്ടതിനെ അഭിനന്ദിച്ചുകൊണ്ടുള്ള പ്രസ്താവന വിവാദമായതിനു പിന്നാലെയാണ് മന്ത്രിയുടെ രാജി.  സ്വമേധയാ എടുത്ത നിലപാടാണോ പാര്‍ട്ടി നിലപാട് വഴങ്ങിയാണോ രാജി എന്നത് വ്യക്തമായിട്ടില്ല.

ലോക്‌സഭാ തെരഞ്ഞെടുപ്പിനു മുന്നോടിയായി ഒഡീഷയില്‍ നഷ്ടപ്പെട്ട പ്രതിച്ഛായ വീണ്ടെടുക്കാനുള്ള ബി.ജെ.പി ശ്രമമാവാനാണ് ഈ നടപടി എന്നാണ് വിലയിരുത്തല്‍.

പിപിലി കൂട്ടബലാത്സംഗക്കേസിലെ രണ്ട് പ്രതികളെ ഭൂവനേശ്വര്‍ അഡീഷണല്‍ കോടതി വെറുതെവിട്ടിരുന്നു. ഇതിനു പിന്നാലെ ഡിസംബര്‍ 24ന് മഹാരതി നടത്തിയ പരാമര്‍ശമാണ് വിവാദമായത്.

'ഇരയോട് എനിക്ക് സഹതാപമുണ്ട്, പക്ഷേ കോടതി വിധി മാനിക്കുന്നു, ഇരയ്ക്ക് നീതി കിട്ടിയിരിക്കുന്നു. സത്യം ജയിച്ചു.' എന്നപരാമര്‍ശമാണ് വിവാദമായത്

ഇതിനെതിരെ വിവിധ സംഘടനകള്‍ പ്രതിഷേധിച്ചിരുന്നു

. അടുത്തിടെ മഹിളാ മോര്‍ച്ചയും മഹിളാ കോണ്‍ഗ്രസും മന്ത്രിക്കെതിരെ നടപടിയാവശ്യപ്പെട്ട് തെരുവിലിറങ്ങിയിരുന്നു.