ടെൽഅവീവ്:ഹിസ്‌ബുല്ലയുടെ നേതാക്കളുൾപ്പെടെ  250 സായുധസേനാംഗങ്ങളെ അംഗങ്ങളെ നാലു ദിവസത്തിനിടെ  വധിച്ചതായി ഇസ്റാഈൽ സൈന്യം. അഞ്ച് ബറ്റാലിയൻ കമാൻഡർമാരെയും പത്ത് കമ്പനി കമാൻഡർമാരെയും ആറ് പ്ലാറ്റുൺ കമാൻഡർമാരെയും വധിച്ചതായി ഇസ്റാഈൽ സൈന്യം പുറത്തുവിട്ട റിപ്പോർട്ടിൽ പറയുന്നു. രണ്ടായിരത്തിലധികം ഹിസ്‌ബുല്ല സൈനിക കേന്ദ്രങ്ങളും തകർത്തു.

ഹിസ്ബുല്ല നേതാവ് മുഹമ്മദ് റാഷിദ് സഖാഫിയെ കഴിഞ്ഞ ദിവസം വധിച്ചതായി ഇസ്റാഈൽ സൈന്യം അറിയിച്ചു. ബെയ്റൂട്ടിൽ ഇസ്റാഈൽ സൈന്യം നടത്തിയ ആക്രമണത്തിലാണ് മുഹമ്മദ് റാഷിദ് സഖാഫിയെ വധിച്ചത്. 2000 മുതൽ ഹിസ്ബുല്ലയുടെ ടെലികമ്മ്യൂണിക്കേഷൻ വിഭാഗത്തിന്റെ മേധാവിയായിരുന്നു  മുഹമ്മദ് റാഷിദ് സഖാഫി .

ഹിസ്ബുല്ല മേധാവി ഹസൻ നസ്‌റല്ലയെ ഇസ്റാഈൽ തെക്കൻ ലബനനിലെ ബെയ്റൂട്ടിൽ നടത്തിയ ബോംബാക്രമണങ്ങളിൽ  കഴിഞ്ഞ മാസം അവസാനം കൊലപ്പെടുത്തിയിരുന്നു.ഹിസ്ബുല്ലയുടെ 32 വർഷമായി നയിച്ചിരുന്ന മേധാവിയായിരുന്നു ഹസൻ നസ്റല്ല. വെള്ളിയാഴ്‌ച രണ്ട് സൈനികർ കൊല്ലപ്പെട്ടതായി ഇസ്റാഈൽ അധികൃതർ അറിയിച്ചു.