ജിദ്ദ: മലപ്പുറം ജില്ലാ കെഎംസിസി മുൻ സെക്രട്ടറിയും ജിദ്ദയിലെ സാമൂഹിക സാംസ്‌കാരിക രംഗത്തെ നിറസാനിദ്ധ്യവുമായ റഷീദ് വരിക്കോടന് മലപ്പുറം ജില്ല കെഎംസിസി യാത്രയയപ്പ് നൽകി. ജില്ലാ പ്രസിഡന്റ് ഗഫൂർ പട്ടിക്കാടിന്റെ അധ്യക്ഷതയിൽ ചേർന്ന യാത്രയയപ്പ് ചടങ്ങ് ചെയർമാൻ ഹസ്സൻ ബാബു നഹ്‌ദി ഉൽഘാടനം ചെയ്‌തു.

30 വർഷത്തെ പ്രവാസ ജീവിതത്തിൽ ഒട്ടനവധി സേവന പ്രവർത്തനങ്ങൾക്ക് നേതൃത്വപരമായ പങ്ക് വഹിക്കാൻ കഴിഞ്ഞത് നേതൃത്വ സ്ഥാനത്തുള്ളവരുടെ ഒത്തൊരുമിച്ചുള്ള പ്രവർത്തനവും മാനസിക ഐക്യവും വഴിയാണ് സാധിച്ചതെന്നും, ജില്ലാ കമ്മിറ്റിയുടെ വരും കാല പ്രവർത്തനങ്ങൾക്ക് നാട്ടിൽ നിന്നുള്ള സാധ്യമായ എല്ലാ സഹായങ്ങളും നൽകുവാൻ ഒരുക്കമാണെന്നും സ്വീകരണത്തിന് നന്ദി പറഞ്ഞുകൊണ്ട് റഷീദ് വരിക്കോടൻ പറഞ്ഞു.

ഭാരവാഹികളായ ഉനൈസ് വി പി, സീതി കൊളക്കാടൻ, ഇല്യാസ് കല്ലിങ്ങൽ, അബ്ബാസ് വേങ്ങൂർ, ജലാൽ തേഞ്ഞിപ്പലം, സാബിൽ മമ്പാട്, സുൽഫിക്കർ ഒതായി, അഷ്‌റഫ്‌ വി വി എന്നിവർ സംസാരിച്ചു ജനറൽ സെക്രട്ടറി ഹബീബ് കല്ലൻ സ്വാഗതവും ഓർഗ: സെക്രട്ടറി കെ. ടി. ജുനൈസ് നിലമ്പൂർ നന്ദിയും പറഞ്ഞു.