നെടുമങ്ങാട്: ഹര്‍ത്താല്‍ ദിനത്തില്‍ ആര്‍.എസ്.എസുകാര്‍ പൊലിസ് വാഹനം ആക്രമിക്കുന്നതിന്റെ ദൃശ്യങ്ങള്‍ പുറത്ത്.
നെടുമങ്ങാട് ആനാട് ആണ് ഉത്തരേന്ത്യന്‍ മോഡല്‍ ആക്രമണം അരങ്ങേറിയത്. പൊലിസ് സ്റ്റേഷന് നേരെ ബോംബാക്രമണം നടത്തുന്നതിന് മുന്നോടിയായാണ് ആര്‍.എസ്.എസ്- ബി.ജെ.പി സംഘം പൊലിസ് വാഹനം ആക്രമിക്കുന്നത്.
ആനാട് ബാങ്ക് ജങ്ഷനില്‍ നിന്നുള്ള ആക്രമണ ദൃശ്യങ്ങളാണ് പുറത്തുവന്നത്. ആര്‍.എസ്.എസുകാര്‍ കടകള്‍ക്കുനേരെ ആക്രമണം നടത്തിയതറിഞ്ഞ് സ്ഥലത്തെത്തിയതായിരുന്നു പൊലിസ്. മുപ്പതോളം വരുന്ന അക്രമിസംഘം തടികളും കമ്പികളും ഉപയോഗിച്ചാണ് പൊലിസ് വാഹനം ആക്രമിച്ചത്. ആക്രമണത്തില്‍ നെടുമങ്ങാട് സ്റ്റേഷനിലെ എസ്.ഐ സുനില്‍ ഗോപിയുടെ കൈക്ക് ഗുരുതരമായി പരുക്കേറ്റിരുന്നു. കൂടെയുണ്ടായിരുന്ന മൂന്നു പൊലിസുകാര്‍ക്കും പരുക്കേറ്റു. വാഹനം അക്രമിസംഘം അടിച്ചുതകര്‍ത്തിരുന്നു.